कर्नाटक स्वारी : भाग १🚩

 कर्नाटक स्वारी : भाग १

६ जून १६७४ रोजी छत्रपती शि

वाजी महाराजांचा राज्याभिषेक झाला आणि छत्रपती शिवाजी महाराज स्वतंत्र सार्वभौम राजे झाले.महाराजांच्या या कृतीचा मुघलांना राग येणे स्वाभाविक होते. औरंगजेब तर अतिशय प्रक्षुब्ध झाला. दक्षिणेत असलेल्या आपल्या सरदाराला - बहादूरखानला छत्रपती शिवाजी महाराजां विरुद्ध आक्रमक धोरण अंगिकारण्याचा त्याने इशारा दिला. बहादूरखान पेडगाव येथे छावणी करून राहिलेला होता. तो स्वतः ऐषारामी वृत्तीचा असल्यामुळे शिवाजी महाराजां विरुद्ध मोहिम काढण्यामध्ये दिरंगाई करीत होता. औरंगजेबाकडून निर्वाणीचा इशारा मिळाल्यानंतर बहादूरखानाने आक्रमणाची जय्यत तयारी सुरू केली. परंतु ऐन पावसाळ्यात म्हणजे जुलै १६७४ मध्ये शिवाजी महाराजांनी अश्वदलाचे एक पथक पाठवून बहादूरखानाची छावणी लुटली. त्या लुटीमध्ये सुमारे १ कोटीचा खजिना मराठ्यांच्या हाती आला. या लुटीच्या प्रकारामुळे बहादूरखान चांगलाच हबकला. दरम्यान मराठ्यांनी खानदेशपर्यंत स्वारी करून धरणगाव लुटले आणि मराठ्यांचे हे पथक थेट बहाणपूरपर्यंत गेले. अशा प्रकारची दहशत मुधली प्रदेशात निर्माण होत असताना शिवाजी महाराजांनी सुरतेच्या सुभेदाराकडे खंडणीची मागणी केली. दुस-या बाजूने शिवाजी महाराजांच्या आदेशानुसार पेशवे मोरोपंत पिंगळे यांनी रामनगरपर्यंत मजल मारली आणि वसईच्या पोर्तुगिजांकडे चौथाईची मागणी केली. थोडक्यात राज्याभिषेकाचा सोहळा संपतो न संपतो तोच मराठ्यांनी मुघलांच्या प्रदेशात चांगलीच दहशत निर्माण केली.

फोंड्याची लढाई ...!!

औरंगजेबाच्या चिथावणीमुळे आदिलशाही दरबारातील सरदारही शिवाजी महाराजां विरुद्ध लहानमोठ्या कारवाया करीतच होते. फोड्याच्या सुभेदाराने शिवाजी महाराजांच्या राज्यातील एका व्यापा-याला पकडले आणि विनाकारण मराठ्यांना डिवचले. शिवाजी महाराजांनी आपला विश्वासू सरदार दत्ताजी पंडित यांना दोन हजार अश्वदळ देऊन फोंड्याकडे पाठविले.

दत्ताजी पंडित फोंड्यापर्यंत जाऊन पोहोचता न पोहोचता तोच खुद्द शिवाजी महाराज वायुगतीने निवडक सैन्यदल घेऊन फोंड्यापर्यत आले आणि त्यांनी फोंड्याला वेढा घातला.

क्रमशः ....!!!