शाबूसिंग उर्फ साबाजी पवार (परमार ) यांची समाधी

 शाबूसिंग उर्फ साबाजी पवार (परमार ) यांची समाधी

शाबूसिंग उर्फ साबाजी पवार (परमार ) यांची समाधी पारनेर रोड सुपे = हंगे शिवेस लागून

शाबूसिंग पवार

पवार (परमार )यांचे वंशातील २3८ वा पुरुष = शाबूसिंग मालवी हिंदुस्थानी नाव पुढे दक्षिणी नाव साबाजी पवार

उत्तर हिंदुस्थान मध्ये माळवा व राजपुताना या प्रांतात परमार उर्फ पवार ह्या घराण्याचे थोर राज्य कित्येक शतके चालू होते मोगलाच्या आगमनानंतर उत्तरेतील हिंदू राज्यास उतरती कळा लागून पुढे त्यांचे राज्य लयास गेले.

तेव्हा या घराण्याच्या अनेक शाखा निरिनराळ्या मुलखात जाऊन स्थाइक झाल्या. यातील एका शाखेचा उदय महाराष्ट्रात १७ व्या शतकाचे आरंभी झाला. या शाखेचा मुळ पुरूष शाबूसिंग उर्फ साबाजी पवार हे होत. देवास व धार येथील राज्यकर्त्याचे दक्षिणेतील प्रसिद्ध असलेले हे मुळ पुरूष होत. शाबूसिंगाच्या वडीलाचे नाव किसनसिंग व आई नगीनाकुंवर होत. तसेच दूर्जनसिंग व लक्ष्मीबाई अशी दोन आपत्य किसनसिंगास होती.

शाबूसिंग यांचा जन्म धारानगरीत झाला. यांच्या पहील्या पत्नी राजपूत घराण्यातील त्यांचे नाव फुलकुंवर.

महाराष्ट्रात आल्यावर शाबूसिंगानी व त्याच्या वंशजानी येथील मराठे लोकांच्या रीतीभाती उचलून त्यांच्यात सामील झाल्यामुळे त्यांना पुढे मराठे मानले जाऊ लागले.

पुढे महाराष्ट्रात आल्यावर ऐका कुलीन मराठा मुलीशी लग्न केले त्यांच्या पत्नी चे नाव म्हाळसाबाई.

महाराष्ट्रात वास्तव्य

निजामशाहीच्या मुलखातील अहमदनगरजवळ हंगे गावचे रानात कांबरगावच्या डोंगरातील घाटात शाबूसिंग यांचे प्रथम ठाणे होते.

शाबूसिंग हे आपल्या पदरी घोडदळ,पायदळ बाळगत व या लढाऊ लोकांच्या पोषणार्थ ते आसपासच्या निजामशाही व मोगलांच्या मुलखात लुटालुट करीत असत.

पुढे शाबूसिंगानी अहमदनगर सुभ्यात सुखेवाडी उर्फ सुपे हे गाव वसवीले. याच सुमारास छ.शिवाजी महाराजांनी शुर वीर मावळे एकत्र करून स्वराज्यस्थापनेचे पवित्र कार्य आरंभीले होते.महाराजांनी शाबूसिगाना हाताशी धरले

१६५७ मध्ये कोकण प्रांत हस्तगत करण्यासाठी महाराजांनी कल्याणवर स्वारी केली त्यावेळी शाबूसिंगानी मोगलांवर चाल करून पराक्रम गाजवीला

शाबूसिंग पवार मृत्यू

दळवी पाटील हंगे हे गाव सुप्याच्या शिवेस लागून असल्याने गावाशिवेवरुन शाबूसिंग व हिंगेकर यांच्या मधे सारख्या झटापटी होत. दळव्यानी सुपे व हंगे गावचे दरम्यान जाबूळ ओढयात एकाकी छापा टाकून घात करुन ठार मारले

हा प्रसंग कार्तिक शु.२ सोमवार शके १५८o ( ता.१८.१о.१६५८ ) रोजी घडला.

माहिती साभार श्री संग्राम पवार सुपे