भाग २
कोल्हापूर छत्रपती घराण्यातील राजाराम महाराज ( तिसरे ) हे अतिशय परोपकारी आणी विद्वान होते ... विदेशातील व्यापार , राजकारण आणी कलाकौशल्य यांचा अभ्यास करण्यासाठी युरोप मध्ये गेले असता इटली देशातील ' फ्लॉरेन्स ' शहरात 1870 मध्ये त्यांचे निधन झाले ... त्यांच्या राजगादीवर दत्तक घेतलेले खानवटकर घराण्यातील नारायणराव म्हणजे शिवाजी ( पाचवे ) हे 1883 मध्ये अहमदनगर येथे मृत्युमूखी पडल्याने छत्रपती पद पुन्हा रिक्त झाले .... अशा वेळी कोल्हापूर संस्थान ताब्यात घेण्यासाठी ब्रिटिश व्हाईसरॉय हालचाली करणार ही भिती होती ... छत्रपती शिवाजी ( पाचवे ) हे लहान असल्याने कोल्हापूर संस्थानचा कारभार त्यांच्या वतीने रिजंट इन कौन्सिल म्हणून श्रीमंत आबासाहेब घाटगे सर्जाराव वजारतमाब कागलकर हे पहात होते .... रिक्त झालेल्या छत्रपती पदावर श्रीमंत आबासाहेब घाटगे कागलकर यांचे चिरंजीव श्रीमंत यशवंतराव घाटगे यांना दत्तक घेण्यासाठी अष्टप्रधान मंडळींनी हिंदूस्थान सरकारला कळवले आणी त्या मागणीस ब्रिटिश इंडिया सरकारने मान्यता दिल्यानंतर श्रीमंत यशवंतराव यांचे छत्रपती शाहू म्हणून दत्तकविधान करणेस अष्टप्रधान आणी कोल्हापूर म्युनिसीपल कमिटीने 27 फेब्रुवारी 1884 रोजी सायंकाळी चार वाजता कोल्हापूरच्या टाऊनहॉल येथे सभा घेणेत आली .... त्या सभेसाठी कोल्हापूर म्युनिसीपल कमिटीचे प्रेसिडेंट ' रावसाहेब' कृष्णाजी रामचंद्र आगाशे यांच्या सहीने इतर महत्त्वाचे जहागीरदार यांच्यासोबत श्रीमंत संताजीराव घोरपडे कापशीकर ( हे क्रिकेटप्रेमी ... यांनीच कोल्हापूर संस्थानचे रिजन्सी कौन्सिल आणी पॉलिटीकल एजंट यांच्यामधील क्रिकेटची मॅच क्रिकेटच्या माळावर म्हणजे आत्ताच्या mseb आणी व्हनबट्टे यांच्या शेतात आयोजित केली होती तसेच ते श्रीमंत जयसिंगराव घोरपडे उर्फ बाळमहाराज यांचे पिताश्री तसेच कापशीचे विद्यमान सेनापती श्रीमंत राणोजीराजे आणी उदयसिंहराजे यांचे आजोबा होय ) यांना खास निमंत्रण होते ....
क्रमशः
No comments:
Post a Comment