श्रीमंत चतुरसिंग राजेभोसले वावीकर यांचा वंश विस्तार
पोस्तसांभार ::
श्रीमंत राजेभोसले वावीकर
श्रीमंत चतुरसिंग राजेभोसले यांचे वडील श्रीमंत त्रिंबकजी राजे भोसले वावीकर हे नामवंत सरदार नागपुरास होते. श्रीमंत त्रिंबकजी राजे यांना तीन मुले
१) श्रीमंत विठोजी राजे उर्फ श्रीमंत छत्रपती शाहू महाराज (धाकटे) यांचा जन्म साधारणतः १७६३ वावी येथे झाला. यांना श्रीमंत छत्रपती रामराजे महाराज यांनी १७७७ ला दत्तक घेतले.
२) श्रीमंत परशराम राजे भोसले यांचा जन्म साधारणतः १७६७ वावी येथे झाला आणि मृत्यू १८५१ ला श्रीमंत छत्रपती शाहू महाराज (धाकटे) यांचे ज्येष्ठ पुत्र श्रीमंत छत्रपती प्रतापसिंह महाराज यांच्या समवेत काशी येथे राहत असताना झाला.
३) श्रीमंत चतुरसिंग राजेभोसले यांचा जन्म साधारणतः १७७१ साली वावी येथे झाला.
श्रीमंत चतुरसिंग राजे यांचा विवाह बबईसाहेब नारायणराव मोहिते यांच्यासोबत २६ नोव्हेंबर १७८९ सातारा येथे झाला. बबईसाहेब ह्या श्रीमंत छत्रपती शाहू महाराज (धाकटे) यांच्या पत्नी लक्ष्मीबाईसाहेब यांच्या बहीण. श्रीमंत चतुरसिंग राजे आणि बबईसाहेब यांना १८ जुलै १७९८ रोजी पुत्र प्राप्ती झाली. त्यांचे नाव श्रीमंत बळवंतराव राजे भोसले उर्फ बाळासाहेब सेनापती. श्रीमंत चतुरसिंग राजे यांचा मृत्यू १५ एप्रिल १८१८ कांगोरी किल्ल्यावर झाला.
श्रीमंत बळवंतराव राजे भोसले उर्फ बाळासाहेब सेनापती यांच्या पत्नी गुणवंताबाई श्रीमंत चिमणाजी राजे शिर्के पळसांबकर यांची कन्या. श्रीमंत बळवंतराव राजे यांना १८२६ च्या दसऱ्याच्या दिवशी छत्रपती प्रतापसिंह महाराज यांनी सेनापती म्हणून निवड केली होती. श्रीमंत बळवंतराव राजे आणि गुणवंताबाई यांच्या पोटी १२ जानेवारी १८४० ला श्रीमंत त्रिंबकजी राजे यांचा जन्म झाला. श्रीमंत बळवंतराव राजे यांचा मृत्यू २७ जानेवारी १८४० रोजी महू (मध्य प्रदेश ) येथे झाला.
श्रीमंत त्रिंबकजी राजेभोसले उर्फ श्रीमंत शहाजी राजे (जंगली महाराज) यांना श्रीमंत छत्रपती प्रतापसिंह महाराज यांनी २५ जानेवारी १८४७ काशी येथे असताना दत्तक घेतले. त्यांचा विवाह तारळेकर महाडिक यांच्या कन्या आनंदीबाई साहेब यांच्याशी झाला. श्रीमंत जंगली महाराज यांचा मृत्यू १ जून १८९२ भवानी पेठ पुणे येथे झाला.
आपल्या मुलाला श्रीमंत छत्रपती यांनी दत्तक घेतल्यामुळे गुणवंताबाई साहेब यांनी त्याच दिवशी म्हणजे दत्तक २५ जानेवारी १८४७ रोजी श्रीमंत राजेभोसले शेडगावकर घराण्यातून जिजाबासाहेब यांना दत्तक घेतले. त्यांचे नाव श्रीमंत दुर्गासिंह राजेभोसले उर्फ काकासाहेब राजे. श्रीमंत दुर्गासिंह राजे यांचा विवाह श्रीमंत तात्यासाहेब शिर्के तरसळकर यांची कन्या सकवारबाई आणि त्यानंतर नागपूरकर मोहिते यांची कन्या बयाबाई उर्फ मैनाबाई यांच्यासोबत झाला. श्रीमंत दुर्गासिंह राजेभोसले यांचा मृत्यू १८९१ वावी येथे झाला.
श्रीमंत दुर्गासिंह राजे यांचे यांचे पुत्र श्रीमंत लक्ष्मणसिंह राजे भोसले यांचा जन्म १८८४ ला झाला. त्यांचा आणि त्यांची पत्नी यांचा मृत्यू सप्टेंबर 1909 मध्ये वयाच्या पंचविशीमध्ये झाला.
श्रीमंत लक्षणसिंह राजे यांचे पुत्र श्रीमंत अमरसिंह राजे भोसले उर्फ श्रीमंत बाबुराव राजे आणि श्रीमंत रामसिंह राजेभोसले उर्फ श्रीमंत आप्पासाहेब राजे यांचा सांभाळ आई वडिलांच्या मृत्यूनंतर आजी मैनाबाई यांनी केला.
श्रीमंत अमरसिंह राजे भोसले उर्फ श्रीमंत बाबुराव राजे यांचा विवाह नागपूरचे मोहिते यांची कन्या उमादेवी यांच्या सोबत झाला. उमादेवींच्या मृत्यूनंतर श्रीमंत बाबुराव राजे आपल्या बंधूंसोबत राहत होते. श्रीमंत अमरसिंह राजे वावीकर यांचा मृत्यू १९८० वावी येथे झाला.
श्रीमंत रामसिंह राजेभोसले उर्फ श्रीमंत आप्पासाहेब राजे वावीकर यांच्या पत्नी गजराबाई श्रीमंत दादबाजी पालकर नागपूर यांची कन्या. श्रीमंत आप्पासाहेब राजेंचा मृत्यू झाल्यांनतर गजराबाई साहेब आपल्या माहेरी नागपूर येथे राहू लागल्या. तिथेच त्यांचा मृत्यू झाला.
श्रीमंत राजेभोसले वावीकर परिवारातील सर्व शूर वीरांना विनम्र अभिवादन ...
No comments:
Post a Comment