मातोश्री स्व. राजमाता पद्माराजे कदमबांडे ह्यांचे पिताश्री व माझे आजोबा स्व छत्रपती राजाराम महाराज यांना विनम्र अभिवादन...!
"राजाराम महाराज तीसरे (करवीर संस्थान)"
कोल्हापूर शहरात शालिनी पॅलेस, बी. टी. काॅलेज, शिवाजी टेक्निकल, ट्रेझरी, राधाबाई बिल्डींग (कोर्ट), कलेक्टर आॅफीस, साईक्स लाॅ काॅलेज अशा खूप देखण्या वास्तू आहेत. छत्रपती शाहू महाराज, आईसाहेब महाराज, प्रिन्स शिवाजी यांचे पुतळे आहेत. हे वास्तू हे पुतळे कोणी उभा केले तर या साऱ्यांत राजाराम महाराजांचा खूप मोठा वाटा आहे; पण काळाच्या ओघात राजाराम महाराजांचे हे काम दडून गेले आहे. केवळ वास्तूच नव्हे, तर 1922 ते 1940 अशी एकूण आठरा वर्षे त्यांनी कोल्हापूर संस्थानाचा कारभार पाहीला. राजा म्हणजे राजवाडा ऐषोरामी यात गुंतून न रहाता राजाराम महाराजांनी कोल्हापूरला नवा मार्ग दाखवला.
त्यांच्या काळात रंकाळा तलावाच्या काठावर शालिनी पॅलेस उभा राहिला. शाहू महाराजांनी सुरू केलेले राधानगरी धरणाचे काम त्यांनी पूर्णत्वास नेले. दसरा चौकात शाहू महाराजांचा, लक्ष्मीपुरीत आईसाहेब महाराजांचा देखणा पुतळा उभा केला. याशिवाय सर्वात महत्वाचे म्हणजे छत्रपती प्रमिलाराजे इस्पितळात बाळंतपण व शिशुउपचार असे स्वतंत्र मोफत उपचार कक्ष सुरू केले. याशिवाय कोल्हापूर बँकेची त्यांनी स्थापना केली. लक्ष्मीपुरी परीसराची उभारणी केली. जयभवानी फुटबॉल टिमची स्थापना करून उभरत्या खेळाडूंना संधी मिळवून दिली.
कोल्हापूरच्या विमानतळावरून पहिल्या विमानाने अवकाशात भरारी राजाराम महाराजांच्या कारकिर्दीतच घेतली.
छत्रपती शिवाजी महाराजांचा पहिला पुतळा त्यांनी पुण्यात उभारला.
"छत्रपती राजाराम महाराज (करवीर संस्थान) यांच्या जयंतीनिमित्त मानाचा मराठी मुजरा"
No comments:
Post a Comment