शिवाजी महाराजांच्या भोसले कुळाचा मूळ पुरुष कोण

शिवाजी महाराजांच्या भोसले कुळाचा मूळ पुरुष कोण यासम्बधि मला मिलालेली माहिती शिवप्रेमी मावल्याना देत आहे 
बाजीराजे घोरपडे व शिवाजीराजे भोसले हे मूळ एकाच कुळातले भाउबंद व अस्सल राजपूत. भोसले व घोरपडे यांचे मूळ चितोडचे राजघराने. चितोडच्या रावलसिहाच्या तिन मुलापैकी एक वंश म्हणजे शिशोदेकर. अजयसिह राज्य करित असता एका बंडवाल्यावर त्याने सज्जनसिंह व क्षेमसिह या दोन मुलास पाठवले पण त्याच्या हातून बंदोबस्त झाला नाही. तो बंदोबस्त लक्ष्मणसिहाचा नातू हमीर याने केला. म्हणून अजयसिंहने त्यालाच गादिवर बसवन्याचे ठरवले, तेव्हा नाखुश होऊन सज्जनसिंह व क्षेमसिंह हे स्वदेश सोडून दक्षिणेत आले. सज्जनसिंह हाच भोसले व घरान्याचा मूळ पुरुष होय. अल्लाउदीन हसन नावाचा मनसबदार दिल्लीहुन पाठविन्यात आला. त्याने स्वतःच बंड करून स्वतंत्र बहामनी राज्याची स्थापना केलि. हसनला सज्जनसिंहने चांगले सहाय्य केले. म्हणून हसनने सज्जनसिंग व त्याचा मुलगा दिलीपसिंग यांना देवगिरीच्या आसपासचे मेरठ प्रांतातिल 10 गाव जहागीर म्हणून दिले व ख़ासखेलचे सरदार बनविले. सज्जनसिंग सन् 1355 मधे वयाच्या 65 व्या वर्षी मरण पावला. त्याचा मुलगा दिलीपसिंग् त्यावेळी 29 वर्षाचा होता.1360 व 62 च्या तेलांगनाच्या स्वाऱ्यात व 1366 सालच्या विजयनगरच्या स्वारीत विशेष पराक्रम केल्यामुळे दिलीपसिंगाचा गौरव वाढत गेला. त्याचा मुलगा व नातू सिद्धजी व भैरवजी यांनीही 1397 सालापर्यंत अनेक स्वाऱ्या शिकाऱ्या व मर्दुमकीच्या लढाया केल्या. मुधोळची जहांगीर भैरवास 1398 मधे मिळाली. भैरवजिस भोसाजी म्हणत त्यावरून भोसले नाव रूढ़ झाले असावे. 1460 पर्यन्त या भोसले कुळातले कर्णसिंह व शुभकृष्ण हे दोघे भाउ एकत्र होते. पण पुढे ते वेगळे होऊन कर्णसिंह आपला भीमसिंह नामक मुलास घेऊन निज़ामशाहकड़े गेला व शुभकृष्ण देवगिरिकडेच राहिला. हा शुभकृष्ण म्हणजेच शिवाजी महाराजांच्या भोसले कुळाचा मूळ पुरुष होय. 1469च्या सुमारास कर्णसिंग व भीमसिंग यानि कोकणातील एक असाध्य पहाड़ी किल्ला घोरपड लावण्याची युक्ति लढवून जिंकला व त्यांच्या वंशजांचे आड़नावच घोरपडे पडले. शुभकृष्णचे वंशज भोसलेच राहिले
लेखन- मनोज कांबळे