मराठा साम्राज्य
भाग २
भोसले, जाधव, निंबाळकर, मोरे, घोरपडे, माने, घाटगे, सावंत, शिर्के, महाडिक, मोहिते इ. मराठे सरदार निजामशाही अथवा आदिलशाहीच्या चाकरीत असल्याने लष्करी आणि मुलकी प्रशासनाचे त्यांना उत्तम शिक्षण मिळाले होते.
परंतु हे मराठा सरदार घराणे आपल्या युद्ध नैपुन्याचा आणि शौर्याचा वापर हा यवनी सत्तेच्या रक्षणासाठी करत असल्याने त्यांस स्वराज्याची आस लागणे अजुन बाकी होते. यवनी सत्ता चंद्रसूर्य असेपर्यंत टिकणारी आहे.आपले सर्व प्रकारे मनोरथ पूर्ण करण्याचे सामर्थ्य फक्त दिल्लीश्वरांचे हाती आहे,अशी सर्वत्र पराभूत मनोवृत्ती निर्माण झाली असता साऱ्यांना खडबडून जागे करण्याचे काम शिवरायांनी केले. बादशहाने मेहरबानीने दिलेल्या वतने, जहागिरी, मनसबदारी, इनामे स्वीकारण्यात भूषण न मानता स्वतःच्या पराक्रमाच्या जीवावर महाराष्ट्राची वितभर जमीन स्वतंत्र करण्याचा प्रयत्न करा. त्यात तुम्हाला हौतात्म्य मिळाले तरी स्वतः धन्य माना, असा महामंत्र शिवरायांनी साऱ्या महाराष्ट्रीयांना दिला.
No comments:
Post a Comment