महादजी शिंदे यांचा महाराजा किताब...!!

 

महादजी शिंदे यांचा महाराजा किताब...!!

पानिपतच्या युद्धानंतर महादजी शिंदे यांनी उत्तर हिंदुस्थानात मराठ्यांची ताकद पुन्हा उभी केली. दिल्लीच्या राजकारणात मराठ्यांचा शब्द चालू लागला. शाह आलम दुसरा मुघल बादशहा गादीवर होता, पण दिल्लीची खरी सत्ता मराठ्यांच्या हातात होती.

७ नोव्हेंबर १७७२ रोजी बादशहाने महादजी शिंदे यांचा मोठा सन्मान केला. त्यांना ७००० जात आणि ७००० स्वार असा मनसब देण्यात आला. त्याचबरोबर नौबत आणि माही-मरातब हे मानही देण्यात आले.

याच दिवशी महादजी शिंदे यांना महाराजा पाटील साहेब हा किताब बहाल करण्यात आला. महादजींच्या सन्मानासाठी अनुपशहर आणि कर्नाल हे परगणे जहागीर म्हणूनही देण्यात आले.

शाह आलम दुसरा हा दिल्लीचा नाममात्र बादशहा होता. दिल्लीचा कारभार आणि खरी सत्ता मराठ्यांच्या हातात होती. त्या सत्तेचे नेतृत्व महादजी शिंदे करत होते. त्यामुळे मुघल बादशहाकडून महादजींना महाराजा पाटील साहेब हा किताब मिळणे, ही मराठ्यांच्या वाढलेल्या ताकदीची मोठी साक्ष होती.

संदर्भ: Persian Records of Maratha History, Vol. I – Delhi Affairs (1761–1788), Jadunath Sarkar, Letter A 32, November 1772,Page 64.