छत्रपती शाहूमहाराजांचा दत्तकविधान समारंभ आणी कापशीकर सेनापती
भाग ५
त्यानंतर पुण्याहवाचन , गणपती पुजन , होम वगैरे विधी आटोपल्यावर श्रीमंत आबासाहेब घाटगे यांनी श्रीमंत आनंदीबाई राणीसाहेब यांच्या हातावर " हा मुलगा तुम्हांस दत्तक दिला " असे म्हणून पाणी घातले ... श्रीमंत राणीसाहेब यांनी मुलाचे मस्तक हुंगीले नंतर त्यास मांडीवर बसवून घेतले व त्याच्या तोंडात साखर घातली ... त्यानंतर त्यास श्रीमंत अहिल्यादेवी राणीसाहेब आणी सकवारबाई राणीसाहेब यांनी मांडीवर घेऊन त्यांस " श्रीमन्महाराज शाहू छत्रपती " असे नाव ठेवीले ....
श्रीमन्महाराज शाहू छत्रपती यांचे दत्तकविधान झाल्यावर पुन्हा एकदा खडी ताजीम झाल्यावर सर्व जहागीरदार आपल्या मानाच्या जागेवर बसले ... त्यांच्या उजव्या बाजुला पॉलिटीकल एजंट कर्नल रिव्हज साहेब व डावीकडे श्रीमंत आबासाहेब घाटगे सर्जाराव बसले ... मानाच्या जागेवर अक्कलकोटचे राजेसाहेब श्रीमंत शाहजीराव भोसले , श्रीमंत बळवंतराव घाटगे सर्जाराव , श्रीमंत नागोजीराव पाटणकर , सरलष्कर हणमंतराव निंबाळकर , श्रीमंत श्रीरामराजे भोसले सावंतवाडीकर , श्रीमंत व्यंकटराव घोरपडे मुधोळकर श्रीमंत हरीहरराव कुरुंदवाडकर , श्रीमंत व्यंकटराव योगीराव रामदुर्गकर हे राजघराण्याचे आप्त बसले ...
अष्टप्रधान मंडळातील श्रीमंत आबासाहेब पंतप्रतिनिधी , श्रीमंत माधवराव पंडित पंतअमात्य व त्यांच्या शेजारी श्रीमंत संताजीराव घोरपडे सरसेनापती कापशीकर बसले ... ( श्रीमंत संताजीराव घोरपडे सरसेनापती हे श्रीमंत जयसिंगराव घोरपडे उर्फ बाळमहाराज यांचे पिताश्री तसेच कापशीचे विद्यमान सेनापती श्रीमंत राणोजीराजे आणी उदयसिंहराजे यांचे आजोबा होय ) ...
त्यानंतर श्रीमंत संभाजीराजे शिंदे सेनाखासकील , नारायणराव घोरपडे इचलकरंजीकर , श्रीमंत उदाजीराव चव्हाण हिंमतबहाद्दर , श्रीमंत सुलतानराव जाधव जप्तनमुलुख , श्रीमंत नारायणराव जाधव हवालदार , श्रीमंत सयाजीराव सरनौबत , श्रीमंत रामचंद्रराव घोरपडे अमीर उल उमराव , श्री जयरामराजे घोरपडे नवलिहाळकर वगैरे मानकरी बसले ...... ( हे श्रीमंत जयरामराजे घोरपडे नवलिहाळकर म्हणजे आत्ता कापशी मध्ये असणारे नवन्याळकर सरकारांचे पुर्वज ..)
त्यापुढे अमृतराव पाटणकर , इस्माईलखान पन्नीसाहेब इनामदार यमगर्णीकर ( हे इस्माईलखान म्हणजे आलाबाद येथील नजीरखान इनामदार यांचे पुर्वज ) , अब्दुल सुलतान देसाई आलाबादकर ( हे आलाबाद येथील महंमदपाशा देसाई यांचे पुर्वज ) त्यानंतर पुढे चिटणीस , वाकनीस , कारभारी , मुजुमदार वगैरे मंडळींची आसने होती .... असा एकंदर 163 जहागीरदार , मानकरी कारभारी यांचा दरबार भरलेला होता ...
ही मंडळी आसनस्थ होताच कोल्हापूर म्युनिसीपल कमिशनर यांच्या मानपत्राचे वाचन व सार्वजनिक सभेच्या मानपत्राचे वाचन झाले ....
No comments:
Post a Comment