ग्वाल्हेर–सिप्रीच्या लढाईत इंग्रजांचा पराभव...!!
महादजी शिंदे यांच्या उत्तर हिंदुस्थानातील मोहिमांमुळे इंग्रजांमध्ये मोठी धास्ती निर्माण झाली होती. ग्वाल्हेर आणि सिप्री-कोलारस परिसरात झालेल्या लढाईत महादजींनी इंग्रजांच्या पलटणीवर जोरदार हल्ला करून त्यांचा पराभव केला.
मे १७८१ च्या दिल्ली येथील मराठ्यांची राजकारणें या पत्रसंग्रहातील पत्र क्रमांक ३१ आणि ३२ मध्ये या विजयाचा उल्लेख आहे.महादजी शिंदे यांनी इंग्रजांची फौज "मारून ताराज केली" आणि उरलेले सुमारे हजार-बाराशे सैनिक दोन ठिकाणी कोंडले गेले.
"वर्तमान आलें कीं, राजश्री महादजी शिंदे यांनीं इंग्रेजांची फौज मारून ताराज केली. हजार बाराशें माणूस राहिले, ते दो ठिकाणीं कोंडिले आहेत..."
ग्वाल्हेर आणि सिप्री-कोलारस येथील या लढाईत महादजी शिंदे यांनी इंग्रजांचा मोठा पराभव केला. इंग्रजांची फौज पळून गेली आणि उरलेले सैनिक दोन ठिकाणी अडकून पडले. या विजयाची बातमी दिल्लीपर्यंत पोहोचली होती. या पराक्रमामुळे उत्तर हिंदुस्थानात महादजी शिंदे यांचा मोठा दबदबा निर्माण झाला आणि इंग्रजांनाही मराठ्यांची ताकद मान्य करावी लागली.
संदर्भ : दिल्ली येथील मराठ्यांची राजकारणें (भाग १), संपादक – दत्तात्रय बळवंत पारसनीस, लेखांक ३१ व ३२ (मे १७८१).
No comments:
Post a Comment