मराठेशाहीतील पराक्रमी घराणे तावरे पाटील

 

मराठेशाहीतील पराक्रमी घराणे तावरे पाटील

-------------------------------------------------------------------

या महाराष्ट्राच्या मातीचा रक्तरंजित इतिहास आहे.इथे कणा कणात मराठ्यांच्या पराक्रमाचा गंध दरवळतो. छत्रपती शिवाजी महाराजांनी स्वराज्याची पायाभरणी केली यावेळी अनेक मराठा सरदारांनी तरवार गाजवली.. त्यापैकी एक घराणे म्हणजे तावरे पाटील..

सांगवी, कऱ्हाटी, आंबी, जांभळी खोरे,पार्वती आणि माळेगाव बु. भागाची पाटीलकी भूषवित असताना, राज्य प्रस्थापित करण्याकरीता आपल्या पागे रणांगण गाजवीत..

मराठा आणि निजाम यांच्यात झालेल्या पालखेडच्या लढाईत मल्हारजी तावरे पाटील यांनी तरवारीची शर्थ करीत आपला देह समरभुमीवर ठेवला...

विठोजी तावरे हे पानिपतावर पडले... तर मुल्हेरच्या लढाईत शिवराम तावरे जख्मी झाल्याची नोंद पाहायला मिळते..

तावरे घराणे शिंदे होळकर आणि नागपूरकर भोसले यांच्या सोबत उत्तरेत आले.. राणोजी शिंदे यांच्या सोबत आलेले तावरे घराणे आज नीमज येथे स्थायिक आहे आज देखील त्याभागात आपला दबदबा कायम राखून आहे...

तुळाजी तावरे हे होळकरांच्याकडील एक मत्ताबर सरदार.. यांची अनेक पत्रे व कारनामे पेशवे दप्तरात पाहायला मिळतात..

महिपतीराव तावरे हे काऱ्हाटी येथील पाटील.. याचा उल्लेख सुपे परगण्यातील महजर मध्ये पहायला मिळतो..

सरखेल रघुजी आंग्रे यांच्या कडे रामजी तावरे हा एक सरदार होता..

खंडोजी बिन सोमजी तावरे,मोराजी बिन रतणाजी तावरे,मलजी बिन साऊजी तावरे

१६८९ च्या इनामपत्रात ग्वाही दिल्या बद्दलचा उल्लेख सांगवी चे मोकदम-पाटील शिवचरित्र साहित्य खंड 2 मध्ये उल्लेख पाहायला मिळतो..

या घराण्यावर अभ्यास करण्यास इतिहास अभ्यासकांना वाव आहे... भविष्यत तावरे घराण्याचा इतिहास अजून मोठ्या प्रमाणात उजेडात येऊ शकतो.. या बद्दल प्रयत्न होणे गरजेचे आहे...!

#तावरे पाटील

©शेखर शिंदे

#इतिहासकर्ते_मरहट्टे

चित्र :- Ai च्या मदतीने बनवलेले मल्हारजी तावरे पाटील यांच चित्र

संदर्भ:- शिवचरित्र साहित्य खंड 2

पेशवे माधवराव दप्तर

इतिहास संग्रह