"#सरसेनापती_येसाजी_कंक_वाडा_भुतोंडे"

#छत्रपती_शिवाजी_महाराज व #छत्रपती_संभाजीराजे यांच्या पदस्पर्शाने पावन झालेला स्वराज्याच्या एका सरसेनापतींचा वाडा,
"#सरसेनापती_येसाजी_कंक_वाडा_भुतोंडे"
ई. स. १६८३ च्या सुमारास मराठे अन गोवेकर ह्याच्यांत फोडां किल्ल्यावर रण झाले .
१ नोव्हेंबर १६८३ रोजी गोव्याचा विरजई (व्हाईसराॅय) कौटं दि अल्वर ह्याने प्रचंढ सैन्यानिशी फोड्यांच्या किल्ल्यावर हल्ला चढविला.
केवळ ४०० सैनिकांनिशी पोर्तुगिजांना तोंड देत येसाजीराव अन कृष्णाजी ह्या कंक पितापुत्रांनी पोर्तुगिजांच्या आधुनिक अन लांब पल्ल्याच्या तोफखान्यास यशस्वीपणे तोंड दिले .
किल्ल्याची तोफखान्याने ढासळवलेली तटबंदी पुनश्च बाधुंन काढीत अन मराठ्यांना धीर देत थोर पराक्रम गाजवला .
भगव्या झेड्यां निषाण्याचा मान राखला .
केवळ ४०० शिपायांनिशी फोडां किल्ला अजिंक्य राखला. अशाप्रकारे रणबहाद्दुर सरसेनापती येसाजीराव कंक अन त्यांचा पराक्रमी पुत्र कृष्णाजी कंक ह्यांच्या तळपत्या तरवारीच्या वीरगाथेनिशी मराठ्यानीं तो हल्ला यशस्वीपणे परतवुन लावला .

दुदैर्वाने ह्या हल्ल्यात येसाजी कंक यांचे पुत्र कृष्णाजी कंक यांना वीरमरण आले. "#पोर_रक्तात_पडलेला_पाहूनही_भगव्या_निशाणापायी_फोंडा_गडावर_भूतोंड्यातील_एक_बाप_लढत_होता". या लढाईत स्वतः संभाजीराजे येसाजी कंक यांच्या मदतीस धावून आले, मराठ्यांनी मोठ्या शौर्याने फोंडा किल्ला स्वराज्यात राखला होता. याच लढाईत सरसेनापती येसाजी कंक यांस अनेक जखमा झाल्याने ते जायबंदी झाले होते, पुत्राच्या वीरमरणासमोर पित्यास स्वतःचे दुखणे जाणावलेही नसावे.
स्वतः संभाजीराजांनी त्यांची आपुलकीने भेट घेतली, जखमी येसाजी कंक व मृत पुत्र कृष्णाजी यांस त्यांच्या मूळ गावी राजगड किल्ल्याच्या पायथ्याशी असलेल्या भुतोंडे येथे पाठविले.
त्यानंतर काही दिवसांनी स्वतः #छत्रपती_संभाजीराजे सरसेनापती येसाजी कंक यांच्या कुटुंबियांच्या सांत्वनासाठी #भुतोंडे येथील याच #कंक_वाड्यात आले व कंक परिवाराच्या स्वराज्य निष्ठेचे बक्षीस येसाजी कंक यांस दिले...
आज हि सरसेनापती येसाजी कंक यांचे वंशज या कंक वाड्यात राहतात, येसाजी कंक यांनी वापरलेली शस्त्रे, जुनी भांडी, नाणी असा अनमोल ठेवा कंक कुटुंबियांनी आजही जतन करून ठेवला आहे. व हा सर्व अनमोल ठेवा शिवभक्तांसाठी पाहण्यास सदैव खुला असतो. आजही कंक वाड्यात अनेक इतिहास अभ्यासक, शिवभक्त संघटना, मावळे रोज भेट देत असतात.
छत्रपती शिवाजी महाराज यांचे थेट वारसदार श्रीमंत छत्रपती उदयनराजे भोसले (सातारा) व श्रीमंत छत्रपती संभाजीराजे भोसले (कोल्हापूर) यांनीही या वाड्यास भेट दिली आहे.
महाराष्ट्रातील सर्व शिवभक्तांस मी सांगू इच्छितो कि आपणही एकदा जरूर या ऐतिहासिक वाड्यास भेट द्यावी. कधी राजगड किल्ल्यावर आलात तर भुतोंडे गावी नक्की या.
पत्ता- सरसेनापती येसाजी कंक वाडा, भुतोंडे (ता-भोर, जि-पुणे) किल्ले राजगड पायथा
संपर्क- ०८८८८२७०२८८
चित्रकार- ओंकार हरीश्चंद्र घोलप (वाशी) Omkar Gholap
लेखन-
सरसेनापती सिद्धार्थ संजय कंक
Siddharth Sanjay Kank
Siddharth Sanjay Kank
-सरसेनापती येसाजी कंक यांचे थेट वंशज
-उपाध्यक्ष सरनोबत येसाजी कंक ट्रस्ट
संपर्क- ०८८८८२७०२८८
धन्यवाद 🙏