मराठ्यांनो! तुम्ही केवळ जातीने मराठाच नाही तर तुम्ही वर्णाने क्षत्रिय आहात यासाठींचा करवीर रियासतीचा
मराठ्यांना क्षत्रियत्व जाणवून देवून एकप्रकारे क्षत्रिय मराठ्यांचा गुरु व क्षात्रपीठ स्थापित करत मराठ्यांना धार्मिक स्वातंत्र्य देवू केल्याचा जाहीरनामाच श्रीमन्छत्रपती राजर्षी शाहूमहाराजांनी प्रसिद्ध केला.
बरोबर १०३ वर्षापूर्वी कोल्हापुरचे राजर्षी शाहूमहाराजांनी १२ आॕक्टोबर १९२० रोजी क्षात्रजगतगुरु म्हणून सध्या कर्नाटक महाराष्ट्र सीमेवर वसलेल्या छोट्याशा बेनाडी गावातील बेनाडीकर पाटील घराण्यातील थोर व्यक्तिमत्त्वं श्री. सदाशिवराव पाटील- बेनाडीकर यांची वेदविद्या उच्चशिक्षीत तरुणाची नेमणूक करत एक मराठ्यांला क्षात्रगुरुपदी बसवून दिेले.
तो दिवस होता,
११ नोव्हेंबर १९२० रोज गुरुवार या दिवाळीच्या पाडव्याच्या दिवशी मराठा उपाध्यायांनी वैदिक मंत्राच्या घोषात सदाशिवराव लक्ष्मणराव पाटील यांना सशास्त्र पट्टाभिषेक केला. पाटगावच्या क्षत्रिय जगद्गुरुपीठाची पुनर्स्थापना केली.
या क्षात्र जगद्गुरुपीठासाठी कोल्हापूर येथे राजेशाही थाटाचा समारंभ झाला.....
या क्षत्रिय मराठ्यांचे क्षात्र जगदगूरुंचे पद निर्माण करणार्या राजर्षीं शाहूमहाराजांनी या पदाच्या निर्मितीसाठी जो जाहीरनामा स्वतःच्या सहीने प्रसिद्ध केला त्यातून आपणास समजून येते.
राजर्षी शाहूमहाराज स्वता:ला क्षत्रिय मराठा मानत हे सिद्ध होते.
त्याचबरोबर त्यांनी १२२ वर्षापूर्वीच मराठा समाजाची चिंताजनक आर्थिक स्थिती पाहून पहिलेवहिले मराठा आरक्षण देवू केले.
म्हणून राजर्षी शाहूमहाराजांनी ज्या विचारांने अगर स्वता:ला क्षत्रिय मराठा मानले तर आपण मराठ्यांनी
मराठा म्हणूनच मराठा आरक्षणाच्या मागणीचा रेटा आता वाढवला पाहिजे.
महेश पाटील -बेनाडीकर
२५.१०.२०२३
No comments:
Post a Comment